10月4日,急病侵襲....
一早起來發現,妹忽然不食不痾.
見到菜冇反應,就心知不妙.
好在即日攝到位睇VET,唔係拖多日唔知點算.
驗血X光檢查推論妹有腎衰竭(好可怕的病名)+胃脹.
留院打皮下水,腸胃蠕動藥草粉....
因不是24小時診所,
加上當日兔病房爆滿,唔想妹獨留係狗病房
即使VET覺得情況不大樂觀,
我都寧願湊妹回家....有我同仔仔守候.
當晚回家,仔妹好多時就係咁依偎着.
仔是看護,枕頭,支持+溫暖.
下晝五點返黎,仲係吽豆,十點開始發現佢擔草食.
十二點幾仲痾咗一堆爛便便同尿.
當晚又係連兔帶盤放妹在床上.
半夜醒來,妹仍在便盤內...
放佢落地活動下,喜見一堆迷你便便.
妹行一陣,又扒係仔籠外休息.
點都要痴住仔.
第二天送妹返診所day care (打皮下水,餵藥餵草粉...)
然後安排係往後係屋企打皮下水(!)
康復進展理想, 暫排除妹有腎病.
(果次可能只係突發急性腎衰竭~)
