香港新浪網 MySinaBlog
« 上一篇 | 下一篇 »
jaimuima | 19th Apr 2009 | 感想 | (58 Reads)
自從2-3個禮拜前送走小小斑(公司範圍的街貓咪)
一直都見唔到小斑(另一隻斑紋幼貓,同小小斑好好感情)-
就算唔係嬲我,佢都係唔再信我!
幾個月建立既感情一下子冇咗,真係幾難受.
佢唔明白我(地)咁做,都冇辦法.
為咗佢地有個安樂居所,
唔好繼續游離浪盪,有一餐冇一餐,做一世街貓,盡力試.

曾經一度以為送佢走無望(見到見唔到,又點trap呢?),
點知近日發現可能另有方法:托夜更同事嘗試去捉.
好好彩同事今朝晨早報喜,拿捉成功.
返到公司不過九點...居然發現小斑已被放走了!!!!
有工友唔知頭唔知路,以為有人惡意困貓,所以放走咗.
簡直晴天霹靂!
工友都係好心,但對我就好大打擊.
一直為安置貓口,送走一隻得一隻,
費盡心思,但係每有意外....

今次衰咗,又唔知幾時先可以再試.

奔波張羅一輪得個桔,失落又氣結.