|
  
|
3妹一日四五餐。
每餐由renal(吞拿魚,雞或牛肉) 配 Dr pro普通貓罐頭 (吞拿+雞/三文魚/白魚/銀雪魚)
加weaning貓乾糧(20粒左右)。
連日來一直穩定。點知由擒晚到今朝，居然連續幾餐食剩。而且碗內有貓砂！
3妹表明話唔鐘意食。
拿拿臨倒走剩餘食物，逐一換上：
浸濕的乾糧/ 乾糧 / renal雞/renal吞拿魚/ dr pro 吞拿+銀雪魚/ 吞拿+三文
兔婆在旁埋怨話: 咁嘴刁，唔食就咪食。
我連忙接口：佢有病丫麻。
兔婆：有病大哂咩？
我：係架。
我真係買佢怕。怕病情反覆。
唔食或生活習慣突變，唔可以簡單當成佢扭計難湊或者麻煩，
而係一Ｄ提示警號。事出必有因。
吃吧 吃吧。俾多Ｄ提示我，到底你想食乜嘢？
我估中咗 就請你乖乖食多幾啖
繼續一日一日重小小(10grams) 吧
妹總是有點反覆似的,前兩日好似精神不錯,前一日又有點謝.
昨天有點百厭,電又好似叉得不錯.
所以即使VET曾話今日(星期日)或有可能接3妹回家,
我也不敢開心得太早.
今朝診所來電話要看驗血結果再作決定.
本打算今晚(若情況許可)接妹出院, (若未得) 或探妹...
怎知轉頭,診所又叫我早點去,說VET有話根我說...
當下心涼了一截. 胡思亂想了.
反覆想時候到了? 要強留, 要放手, 我其實有何打算?
一直無了期的吊水/留院?
該怎樣才叫對3妹最好?
去到診所,幸好見到笑著迎我的VET. 不是叫我來宣佈/判刑的.
原來驗血顯示妹某些指數比入院時升得更高!
不過VET又同時解釋當中的可能性:
3妹胃口好了,吃得多,體內積聚的蛋白質相應增多
(導至指數上升的元素之一)
其次是VET嘗試減去吊水部分,
希望妹能自我調節 (但從指數看來, 身體還未能控制得好)
接着三兩天,VET會停吊水,VET說可以讓我帶3妹回家.
不過,我實在怕自己照顧不來, 稍有疏忽誤了大事,
覺得還是留在醫院多看顧幾天. 給3妹最適切的照顧吧.
不必有奇蹟,
只要可以一日一日進步, 讓我知道你不放棄就夠了.
漫漫康復路上 有你 有我.
唔知係咪改壞名,叫3妹做Miffy,讀音有D似"咪肥".
結果3妹來了, 一日比一日瘦. 肥不起來.
由星期六(26/11/2011)的540g ,
一下字急跌至星期日的510g,失去的都是水份!
吊水三四日,終於稍有起色,體重回復至530g,
可見身體終於 開始 慢慢的吸收, 留住水份,
求求 不要再出現有出冇入的情況.
今朝驗了血,兩三項關於腎臟的指數都不理想, 嚴重超標.
按VET解說,吊水幾天後,讀數仍然如此高, 顯示腎的損害絕對不輕!
不過, 仍有機會好轉.
至於是先天/後天,急性慢性毛病, 還得觀察多一會.
腎衰竭 kidney failure 聽來好像很可怕,
不過相比於貓瘟, 貓愛滋, 失明, 殘障, 心臟病, 神經系統受損 ....
也未算最壞吧.
假如未能根治的話,原來也不用太擔心:
如VET及其他貓友所說,
很多貓有腎病還是可以生活如常, 老了可能較麻煩.
活下來 活得好就夠了.
就讓我們一起老去吧.
